बुधवार, २५ जानेवारी, २०१७

‘तो आणि ती ...’


काय अशी पाहतेस ? एकटक अश्या नजरेनी ..
त्याने हळुवार सवाल केला .
'प्रेम'  तिने लगभगिने उत्तर दिलं.
प्रेम ?
हो ...
अच्छा , मग सांग बरं ….
किती प्रेम दिसलं तुला,   माझ्या डोळ्याआड  साठलेलं ? त्याने पुन्हा तिला प्रश्नांनी छेडलं .
तेच तर पहातेयं   ना ..
म्हणजे अजून तुला  कळलं  नाहीतर ? 
तसं नाही रे..
मग कसं?
तुझ्या डोळ्यातील जादू निरखतेय  , फार बोलके आहेत ते ,  जसं तुझं हे मन...  
अच्छा ..( भुवया उंचावून ..)
हं ,
तुझं  प्रेम आहे.  ते निशंक आहेच.
पण तूच म्हणतोस ना , कि प्रेमाला मापता तोलता येत नाही  ? मग,  मी तरी का  सांगू,  हा ?
त्याच्याच विचारांचं संदर्भ  देत , तिने त्याच्याच प्रश्नावर उत्तरीय झेप घेतली .
शोभतेस  हा तू  , माझी बायको म्हणून ...
हो का ? तिने नकट्या लाडीनं ,  त्यास चिमटा घेतला .
अजून आपलं लग्न तरी कुठे झालं आहे ? इतक्यात बायकोचा शेरा देत आहेस ते  ?
म्हणून काय झालं ,  लग्न नाही , तरी एक पत्नी म्हणून,  मी तुला केंव्हाच स्वीकारलं आहे .
हो,  हो,..माहित आहे मला... , ‘ तिने हलकं स्मित हास्य करत म्हटलं.’
पण समज , मी तुझ्याशी लग्नच केलं नाही तर ,   एक दीर्घ  श्वास घेतं... तिने उसासा टाकला . आपलं मन मोकळं केलं .
तिच्या ह्या आकस्मिक प्रश्नाने मात्र , त्याची हसरी मुद्रा क्षणात प्रश्नांकित झाली . 

लाटेवरती लाट कोसळत जावी तशी विचारांची धडकी मनात  घेर करू लागली. 
सैरभैर वादळासारखी अवस्थेने,  उचल खाल्लीच  होती . पण तोच ,
मावळत्या क्षितिजाशी , उमटलेल्या असंख्य भावपूर्ण रंगछटाईंनी त्याची नजर व्यापली गेली.   अन काहीसा धीरगंभीर अवस्थेतून शांत प्रवाहासारखा तो  एकांतात  गढून गेला.  


काय रे , इतका शांत  ? 
निवांत पहुडलेल्या एखाद्या डोहाशी , फिरकी वाऱ्यानं अलगद  झेप घ्यावी अन  नवं तरंग उमटावेत,  तसा तो तिच्या आवाजानं, पुन्हा त्याच विषयाशी प्रवाहित झाला .
काही नाही....
म असा प्रश्न विचारल्यावर , एकाकी  हरवलास तो ? ती चेहऱ्यावरचा भाव निरखत म्हणाली.
प्रश्न होताच तसा तुझा, अपेक्षेपलीकडचा...., विचारांच्या प्रवाहात  त्याने उत्तर दिल .
आयुष्यात बऱ्याच गोष्टी , ज्या घडतात त्या अनपेक्षितच असतात रे, अपेक्षा ठेवून सगळंच मिळत असं कुठे आहे ?
मान्य आहे. (थोडं थांबून...) .पण प्रयत्न अन सातत्य राखून , आपण  बदल हि घडवून आणू शकतो ना ?
त्याला दैवी जोड हवी रे . नुसते प्रयत्न हि निष्फळ . तिने एक सुस्कारा सोडला.
तू अशी झुकत्या विचारांकडे का वळतेस नेहमी...
जे शक्य नाही . तिथे असेच विचार येणार...
आपल्या लग्नाचं मला वाटत नाही . ते होईल म्हणून ....

क्रमश :-
क्रमश  :- 
संकेत पाटेकर 


शुक्रवार, २० जानेवारी, २०१७

'आनंद' साजरा करायला वयाची अट नसते.

'बंगले के पीछे तेरी बेरी के नीचे हाय रे पिया आहा रे आहा रे आहा रे पिया
काँटा लगा....''

क्षणभर ह्या गाण्याने विशेषतः त्या आवाजने माझं लक्ष वेधलं गेलं. 
ठाणे स्थानकातील फलाट क्रमांक चार वर घाईघाईतच पोहचलो होतो. सकाळी ८ वाजून २४ मिनिटाची ठाण्याहून सीएसटी कडे धावणारी लोकल आज फलाट क्रमांक १ वरून न जाता ४ वर येणार, असं ऐकताच दौडत दौडतच फलाट क्रमांक ४ गाठलं. तेंव्हा ह्या गाण्याचे बोल कुठूनसे कानी घूमघुमले. तेंव्हा सहजच अवती भोवती नजर हेरावली अन लक्ष त्या दोन मावशींकडे गेलं. ( वृद्धत्वाकडे हळूहळू झुकत चाललेलं . )
एका ठिकाणी निवांत बसून , त्या दोघी हि , ईअर फोन लावून मस्त गाणं म्हणत होत्या . सूर ताल लय आदी छेडत, अवतीभोवतीचं सारं धांवत वलय , त्याचं भान विसरत ....
''बंगले के पीछे तेरी बेरी के नीचे हाय रे पिया आहा रे आहा रे आहा रे पिया
काँटा लगा....''
मी क्षणभर पाहत राहिलो. न्याहाळत राहिलो. त्यांचं वय अन ते गाणं ...
मनाशीच म्हटलं, बघ संकेत , 'क्षणांना असेच कवेत घेऊन जगता आले पाहिजे.' 
'आनंद' साजरा करायला वयाची अट नसते. ते 'क्षण' तेवढे पकडायचे असतात. आणि त्यात आपणहून मिसळायचं असतं. 
असंच लिहता लिहता... 
- संकेत पाटेकर 
२०.०१.२०१६

गुरुवार, १२ जानेवारी, २०१७

'प्रतिबिंब'..


ऐक ना, त्या नदीच्या प्रवाहाकडे बघ  ? किती संथपणे अलगद वाहत आहे ती,  वळणा -वळणाचा एक एक घाट अगदी सहजतेने ओलांडत ?  बघतो आहेस ?  
हो  ? 
असं वाटतंय,  मी जगावेगळ्या  स्वप्नं नगरीतच वावरतेयं  रे, किती  भन्नाट जग आहे हे  , 
मी असं कधी अनुभवलं  नाही ह्यापूर्वी........
हि अशी ध्यानस्त मनाला गुंगवणारी रात्र , हा  नदीचा संथ नितळ प्रवाह ..तो चंद्रमा , त्याची शुभ्र हळवी  शीतलता , झाड फांद्यांची हि स्थिरता- अस्थिरता,   तना मनाला भाव रंगात ढकलून  देणारा  हा मंद झुळकार वारा ...आणि   आपण दोघे, एकटे अन सोबत हि निःशब्दता ..., प्रेम रंगला अधिक गडद  करणारी .....

काय वाटतं  रे तुला ?
ह्या अश्या ऐकून वातारणाकडे पाहून ...
तुझ्या शब्दात वीण ना काही  ?
मला ऐकायचं आहे.........., तुझ्यातल्या लेखक अन कवी मनाकडून ...
इतका एकांत आजपूर्वी कधी मिळालाच न्हवता अन अन अशी नामी संधी  हि ...
सांग बरं आता  ?
चेहऱ्यावरती  मंद हास्य उजळून  त्याने हळूच तिच्याकडे पाहिलं . तिच्या चेहऱ्यावरची निरागसता अन कुतुहूल वाढीस लागलेलं. प्रेम रंगाच्या धुंदीत ते रसिक  सुवासिक  फुल हळुवार डवरलं जात होतं.    
त्याने अधिक वेळ न घेता शब्द मोहायला सुरवात केली . 

इतकं छान वर्णन केले आहेस तू   ? मी आणिक काय बरं  सांगणार ? 
तू जे पाहिलेस वा पाहते आहेस नं  , तेच मी हि पाहतो आहे . पण माझा रोख त्या नदीतल्या संथ प्रवाहाकडे आणि त्यात स्थिरावलेल्या त्या चंद्रमाकडे अधिक लागून  आहे. 
का बरं  ? 
हि संथ वळण घेत वाहणारी नदी आणि तो वर मैलो दूर असलेला चंद्र .....पाहतेस  ना ? 
हो , 
काय बरं नातं असावं  दोघात ? 
मैत्रीतलं  प्रेम कि प्रेमातली मैत्री  ? 
सूर्य  मावळतीला लागल्यावर , हि नदी हि कशी, बघ... संथ रूप धारण करते. दिवसभरातला तो खळखळाट , आलेला शिणवठा आदी , त्या निरव शांततेत ढवळून जातो . ती संथ होते. एकपात्री होते. 
स्वतःला मोकळं करुण घेत . 
तारुण्यसुलभ एखाद स्त्रीने आपला केशसंभार मोकळा करावं ना तसंच . ..ती हि मोकळी होते. 
आणि तेंव्हाच दिवसा लपंडाव  खेळणारा हा  'चंद्रमा'  तिच्या 'हृदयी 'मोकळा असा श्वास घेत स्वतःला हळूच सामावून घेतो. तिच्या गर्द मिठीत , तिला घट्ट बिलगून, श्वासाचं जाळं विस्तारत.    
ती प्रेमवेडी हि  ह्याच क्षणांची आतुरतेने  वाट पाहत असते . रोज.. अशी कित्येक रात्र.....

बापरे....इतका विचार , माझ्याकडनं हि झाला  नंसता रे  ?
कसं सुचत तुला ? 
त्याने तिच्याकडे सहज पाहिलं . 
तिच्या 'स्वरात' आपलेपणाचा गहिरा भाव  त्याला दिसून येत होता. 

सहज रे , दृष्टी अन सृष्टीचे हे खेळ आहेत. त्याला बस्स आपल्या मनातले भावरंग हळूच जोडायचे इतकंच...
अच्छा ...
हं ..
मग काय आहे त्या दोघांत ,  मैत्रीतलं  प्रेम कि प्रेमातली मैत्री  ? 
दोन्ही हि....... 
कसं ? 
मैत्री शिवाय प्रेम नाही. अन प्रेमाशिवाय हि  मैत्री . 
दोघांत हि बघ , मैलोच अंतर आहे .  पण तरीही ..ते दोघे एकमेकांशी हे प्रेमाचं नातं टिकून आहे .
आजही..  अद्यापही, शेकडो वर्ष ... 
मनातलं हे (एकमेकांचं ) 'प्रतिबिंब' जपता आलं पाहिजे रे ...आयुष्यभर . 

तिने त्याकडे एकवार पाहिलं. कुठल्याश्या गर्द विचारी प्रवाहात  तो हरवून गेला होता. 
तिने हि त्याच्या बाहुपाशात स्वःताला विसावून घेतलं होतं . 
- संकेत य पाटेकर 
१२.०१.२०१७ 
Email :- sanketpatekar2009@gmail.com




बुधवार, ४ जानेवारी, २०१७

Still i am waiting...


माझ्यामुळे तुझ्या लाईफ मध्ये प्रॉब्लेम कश्याला , असा सारासार विचार धरून तू चाललेस हे ठाऊक आहे  गं मला , 
पण सखे असा विचार करून चालणे कितपत योग्य आहे.? कुठलीही वाट गवसण्यासाठी आधी एक पाऊल पुढे टाकण गरजेचं असत न्हाई ?  ते पाऊलंच भीतीने पुढे टाकलं नाही तर पुढचा मार्ग मिळेलच कसा ?
तू तो पाऊल तर उचल..

लाईफ मध्ये अगं एकमेकांना समजून घेणं हे जास्त महत्वाच असतं. आणि तितकंच गरजेचं हि  ,
एक कमी पडला कि दुसरा , दुसरा कमी पडला कि आपणहुन पुढे सरायचं , एकजुटीने प्रयत्न करायचं ह्यालाच तर संसार म्हणतात ना?संसाराची व्याख्या इतकी  साधी सोपी आहे.
पण अगं असा कुणी विचारच करत नाही. आपलाच अहंभाव आपल्या नात्याच्या आड येतो. अन तुटतात अन दुःखावली जातात मनं..त्यास कारणीभूत आपणच.. 

तुला एक सांगू , म्हणजे तुला माहित्ये  ?
अधिकाधिक संसार वा ह्या नाती गोती का उध्वस्त  होतात ते?
मनातलं सांगतच नाही कुणी,? दाबून ठेवतात सर्व , आतल्या आत...
आपल्याला काय हवं काय नाही, हे अगं बोलल्याशिवाय उघड कसं होणार ?

एक अंदाज बांधता येतो चला, मानलं ठिकायं, पण सगळ्याच गोष्टी,  ज्या खरंच गरजेच्या आहेत , त्या सांगितल्याशिवाय वा बोलल्याशिवाय,  नाही कळून येत रे, भावनेला हि कधी कधी संवादाचा हळुवार स्पर्श हवा असतो . तेंव्हा त्या मनमोकल्याने उमलून येतात . संवाद तेच काम करत . म्हणून तर तो हवा असतो.  जिथे संवाद नाही, जिथे समंजसपणा नाही, तिथे नातं तग धरून राहत  नाही.

माझं तुझ्यावर प्रेम आहे रे . . खरं तर हि शब्दात  सांगण्यासारखी  गोष्ट नाही. ती सहवासातून आपोआप उमलून येते.   कळते .   पण तरीही मला सांगावं लागतं.  कारण तू पळतेयस .  दुरं सारते आहेस मला , तुझ्यावाचून ..
आणि  हे तुला हि चांगलं ठाऊक आहे.
माझ्यामुळे तुझ्या लाईफ मध्ये प्रॉब्लेम कश्याला, असा विचार तू मनात आणू नकोस.
अंग एकमेकांच्या साहाय्याशिवाय , समजुतीशिवाय आणि प्रेमाशिवाय कुठलंही नातं नाही. संसाराची व्याख्या म्हणून तर मी दिलेय .
दोष उणिवा प्रत्येकात असतात . आणि तसे गुणही असतात . आपण गुणांच्या बाजूने पाहावं .
पाहशील ना ? हो म्हणतंय बघ, मन माझं ...,

तुझ्यावाचून खरं  तर  दुसऱ्या कुणाचाही विचार माझ्या मनात नाही . दर्पणा प्रमाणे प्रतिबिंबित होऊन तू नजरेशी खेळत असतेस सदा…. हृदयात प्रेम संगीताचं वलय निर्माण करत ........
बघ विचार कर  ..

Still i am waiting….…….. तुझी वाट पाहतोय .
तुझाच…
Xxxxxxx

हृदया - एक स्वप्न सखी
- संकेत पाटेकर
०४.०१.२०१७